失敗者之表表者
韓國瑜係失敗者嘅代表，大家越批評佢缺乏教養，無視規則，越證明中共清楚知道統戰玩法。呢個世界永遠都有處於社會邊緣或自覺孤立無援嘅社會失敗者，就算喺發達國家都唔例外，差嘅只係數量多寡。如果大家將中共同社會失敗者切割看待，以為食人族政權同食人族係有分別，就即係未具備分析現實嘅基本能力。
所謂社會失敗者，又稱無產階級，定義唔在於佢地有錢定冇錢，而係有人性定冇人性。有人性嘅人，可以建構小共同體，繼而喺個體間發揮影響力，去到政治層面，呢啲就會成為動員力，人格就係資本。社會失敗者見到其他人努力進學繼而向上流動，見到其他家庭愛護彼此而團結一致，佢地所能感覺到嘅只有恐懼，而呢種恐懼亦會因為自身唔願意努力改過遷善而轉化為對他人以至社會嘅仇恨。成功而體面嘅他者，因而成為佢地不滿嘅敵人，階級鬥爭，其實就係由此而生。
韓國瑜嘅出現，為台灣社會失敗者燃點希望。世界上大把人自己一事無成，但又想一腳踩喺叻人頭上，韓國瑜之囂張，代表嘅正正係呢啲人嘅嫉妒。批評過去台灣總統都係台大法律出身因而顯得「軟」同「空」，故意挑戰選舉辯論觀眾對於文明人之固有認知，得罪近乎全個社會嘅人，正係韓國瑜鞏固基本盤嘅技倆。韓國瑜都可以盤踞高位，當選市長，對失敗者所釋放出嘅訊息其實一直非常明確：廢人都有望鹹魚翻身，賢能向上之原有社會習慣唔代表永恆。中共插手栽培傀儡，令台灣本身慢慢成長嘅社會共有價值觀變形扭曲之後，韓國瑜支持者受到鼓舞，因為佢地嘅白日夢得到想像方向，對社會對自身之缺乏關愛亦得到發洩渠道。所有受過教育嘅人，識得自重嘅人，都係無法想像得到佢同無產階級係幾咁同聲同氣，而呢種因為生活平靜而逐漸疏離無產階級思維嘅現象，將會嚴重影響大家對選舉結果嘅判斷。
中共所繼承嘅列寧主義，係失敗者所能接觸到嘅最強武器。要解決問題，必須對症下藥，全力清剿失敗者。失敗者皆失德之人，佢地連群結隊，破壞社會秩序，瓦解人性善念，目的就係令人人自危，成為恐怖共同體。韓國瑜支持者所唔知道嘅係，佢地解構人性以及因為人性而存在嘅社會，所憑恃嘅就係人性以及因為人性而存在嘅社會之先天存在，如果韓國瑜當選，社會將會受到極大衝擊，而受到社會保護嘅失敗者將會更難覓食寄生。
故此，台灣選民之質素，今次真係面臨緊真正考驗。韓國瑜嘅表達模式極之貼近知識階級同溫層外嘅大眾，我自幼與失德無產階級相處，韓之比喻取材真係聽慣聽熟，見慣不怪。真台灣人理應理解階級生成自有原因，唔會仇恨他人致富，無論如何都反對食人族式破壞主義，堅定守護台灣。所以，假如農村包圍城市策略最終奏效，所反映嘅就係台灣食人族成分仍未稀釋，而選舉之後如何消化失敗者為數眾多之客觀事實，將會係台灣人嘅首要任務。
大多數人面對超出自己經驗範圍之事，都會無法運用邏輯如常思考，香港人自然唔例外。食人族思維，同文明人係截然不同，所以觀察香港台灣目前所面對嘅共同敵人，乃係之後可以理解到戰爭必將爆發嘅前提。2019年下半年寫咗好多嘢，其實都只係想大家明白社會距離瓦解可以有幾近之後，更加努力去感受人性光輝其實可以有幾閃。精進自身，即可創造價值，創造價值，即可分工合作，希望大家2020年繼續堅持信念，發光發熱。
Search